Нарадзіўся ў горадзе Табольску ў 1979 годзе. У васьмігадовым узросце разам з бацькамі пераехаў у Асіповічы. Скончыў СШ № 4, а затым юрыдычны факультэт Беларускага інстытута правазнаўства.

Працоўную дзейнасць пачаў у 2003 г. на кансервавым заводзе ў якасці юрыста. Затым 3 гады працаваў на аналагічнай пасадзе ў ААТ “Гандаль” і столькі ж — інжынерам па арганізацыйных і жыллёвых пытаннях філіяла “Асіповіцкае ўпраўленне магістральных газаправодаў” ААТ “Газпрам трансгаз Беларусь”.

З 2009 г. працаваў юрысконсультам КДУП “Адзіны разліковы цэнтр”, які сёлета быў рэарганізаваны ў разлікова-даведачны цэнтр г. Асіповічы КУП “МАЦІС”. Нядаўна Кірыл Віктаравіч узначаліў гэтую ўстанову.

Функцыі РДЦ засталіся тыя ж, што і ў арганізацыі-папярэдніка: налічэнне платы за жыллёва-камунальныя паслугі і спагнанне запазычанасцей, а таксама выдача даведак грамадзянам. Новы кіраўнік плануе і далей надзяляць шмат увагі своечасовасці аплаты паслуг і правядзенню інфармацыйна-тлумачальнай работы з насельніцтвам.