Цёплае і сонечнае надвор’е выдалася 14 кастрычніка — у Дзень маці. А дадатковы добры настрой асіпаўчанам стварылі вучаніцы СШ № 4 — актывісткі ГА “БРСМ” Марына Хурсан, Лілія Бачкарова, Дзіяна Разумкова і Аксана Дзягоўчанка. Старшакласніцы ў фірменных футболках саюза моладзі з яркімі шарамі і паштоўкамі ў руках прайшлі па галоўнай вуліцы горада і павіншавалі маладых матуль з іх “прафесійным” святам. Рэакцыя жанчын была розная: і здзіўляліся, і саромеліся або сціпла ўсміхаліся. Аднак самае галоўнае — усе былі сапраўды ўдзячныя і радыя. Зацікавіліся віншаваннямі і малыя ў калясках: рознакаляровыя паветраныя шарыкі так і прыцягвалі дзіцячыя погляды і маленькія ручкі.

Марыя ТАЛЕЙКА. Фота аўтара.