пад такой назвай прайшла 5 красавіка экалагічная акцыя на тэрыторыі Вяззеўскага сельскага Савета, арганізатарам якой выступіла раённая арганізацыя моладзі.

Каля двух дзясяткаў навучэнцаў Асіповіцкага дзяржаўнага прафесійна-тэхнічнага каледжа прыбіралі смецце ў раёне вадасховішча. Дзве групы ўдзельнікаў працавалі з абодвух бакоў вадаёма. Як адзначае сакратар РА ГА «БРСМ» Ганна Калодка, у гэты дзень быў сабраны не адзін дзясятак мяшкоў са смеццем. Навучэнцы рабілі з энтузіязмам, а дапамагалі ім у гэтым прадстаўнікі АДУКВП «Райсэрвіс» і ДДЛГУ «Асіповіцкі доследны лясгас». Адметна, што на заклік прыняць удзел у акцыі адгукнуўся і індывідуальны прадпрымальнік Сяргей Паўлаў, які забяспечыў барацьбітоў за чысціню венікамі.

Напярэдадні ж вучні Вяззеўскай школы прыбіралі родную вёску. Каля 20 школьнікаў прайшліся па вуліцах Вяззя і навялі на іх парадак.

— Гэта не апошняя акцыя такого кшталту, — адзначае Ганна Калодка, — плануем праводзіць іх і ў далейшым. Трэба ж падтрымліваць чысціню!