Магілёўскі аблвыканкам падвёў вынікі абласнога спаборніцтваза дасягненне лепшых паказчыкаў
60у развіцці аграпрамысловага комплексу за 2018 год
У ліку пераможцаў у намінацыі “Лепшыя працаўнікі, занятыя ў сельскагаспадарчай вытворчасці” названы і працаўнікі Асіповіччыны. Сярод аператараў жывёлагадоўчых комплексаў і механізаваных ферм па вырошчванні буйной рагатай жывёлы, старэйшай за 6-месячны ўзрост, якія дасягнулі найвышэйшых сярэднясутачных прываг БРЖ, гэта Уладзімір Аляксандравіч АЛЯШКЕВІЧ з філіяла “Белшына-агра” ААТ “Белшына”; сярод тэхнікаў, занятых штучным асемяненнем кароў і цёлак, — Людміла Міхайлаўна ДОЎНАР; сярод механізатараў, дасягнуўшых найбольшай выпрацоўкі эталонных гектараў на ўмоўны трактар, — Уладзімір Іванавіч ЦЮЦЯЛІН і Віктар Станіслававіч АЛЯШКЕВІЧ (усе — ААТ “Авангард-Ніва”).
* * *
Днямі Магілёўскі аблвыканкам прыняў рашэнне аб прысуджэнні спецыяльнай прэміі ў сацыяльнай сферы ў 2019 годзе. Прыемна, што разам з іншымі выдатнымі працаўнікамі Магілёўшчыны высокага звання лаўрэата ўдастоена і ўрач-педыятр установы аховы здароўя “Асіповіцкая цэнтральная раённая бальніца” Ганна Мікалаеўна СІНКЕВІЧ.
