У горадзе і раёне 469 шматдзетных матуль, з іх 291 жыве ў вёсцы.

Прыкладна 200 жанчын з нецярпеннем чакаюць шчаслівага вяртання сыноў з радоў Узброеных Сіл Рэспублікі Беларусь.

Статус прыёмнай маці маюць 19 асіпаўчанак, якія выхоўваюць 35 дзяцей.

Сярэдні ўзрост жанчын, якія сёлета ўпершыню прымералі на сябе ролю матулі або пацвердзілі гэтае званне зноў, — 27 гадоў.

У гэтым годзе сталі матулямі  ва ўзросце ад 16 да 18 гадоў 5 чалавек, ад 20 да 40 — 390, ад 40 да 45 — 6.

Пачынаючы з 2010 года, 26 жанчын нарадзілі двайнят, а дзве — трайнят.

За нараджэнне і выхаванне пяці і больш дзяцей ордэн Маці — вышэйшую ступень адзнакі мацярынства — маюць 57 асіпаўчанак, з іх — трое атрымалі яго сёлета.