У Арыны Бяляўскай шмат цікавых цацак і развіваючых гульняў. Яна любіць “даваць нырца” ў сухі басейн, ствараць узоры з дапамогай кінетычнага пяску. Яшчэ адзін выяўленчы сродак, якому дзяўчынка аддае перавагу, — грыфельная дошка.

Малая любіць слухаць вершы, забаўлянкі, казкі. Любімы аўтар — Агнія Барто.

Шмат станоўчых эмоцый дастаўляюць і прагулкі, калі ўсёй сям’ёй адпраўляюцца ў парк, дзе шмат цікавага знойдзе кожны.

Калі матуля завіхаецца ля пліты, Арына гатуе абед сваім лялькам, паўтараючы дзеянні мамы. У яе ёсць для гэтага свая кухня і посуд — пакуль зусім мініяцюрныя.

Арынцы толькі два гады, але яна не самая малодшая ў сям’і. Ёсць сястрычка Мілана, якой дзяўчынка ахвотна расказвае аб усім, што ведае. Пакуль такія гутаркі праходзяць у форме маналогу, але дзецям не сумна!

Фота Ніны ЦАРЫК.