Аляксандр Міхайлавіч Сівакоў — асоба на
Асіповіччыне вядомая. Удзельнік вайны, педагог, партыйны дзеяч…

Нарадзіўся ён на быхаўскай зямлі, вучыўся ў
Магілёўскім педінстытуце, працаваў настаўнікам, загадчыкам рай-ана, намеснікам,
а затым і старшынёй райвыканкама ў Кіраўску, але даволі працяглы адрэзак жыцця
прыйшоўся на “асіповіцкі перыяд”. З 1961 па 1977 год узначальваў наш
райкам партыі. У 1963-65 гадах Асіповіцкі раён уваходзіў у склад Бабруйскага,
таму папрацаваў Аляксандр Міхайлавіч і ў гэтым раённым цэнтры. А з 1977 па 1984
ён з’яўляўся старшынёй Магілёўскага абкама прафсаюзаў. Выбіраўся дэпутатам
Вярхоўнага Савета БССР. Мае шматлікія ўзнагароды.

У тым, што ў 60-70 гады наш раён актыўна
развіваўся, немалая заслуга непа-срэдна Аляксандра Міхайлавіча. Адноўлены пасля
вайны горад пашыраў свае межы. Колькасць жыхароў перавысіла даваенны ўзровень.
Будаваліся новыя дамы. Узводзіліся будынкі кардонна-руберойдавага завода,
завода жалезабетонных канструкцый, аўтабазы, іншых прадпрыемстваў. Гаспадарка
калгасаў пачынала развівацца на навукова-тэхнічнай аснове. З Мінска прыбыў
першы электрацягнік…

Многа ці-кавых падзей з жыцця Асіповіччыны
ўзгадае Аляксандр Міхайлавіч Сівакоў 9 Мая — раскажа аб іх блізкім людзям, што
завітаюць у госці. Менавіта ў Дзень Перамогі адзначыць свой 90-гадовы юбілей
Ганаровы грамадзянін нашага горада і раёна.

Са святам Вас, паважаны Аляксандр Міхайлавіч! Няхай
зараду ба-дзёрасці, аптымізму і здароўя, атрыманага ў слаўнай маладосці, хопіць
яшчэ Вам на многа гадоў!

За
значительный вклад в социально-экономическое развитие
района и в связи с 90-летием со дня рождения Почетной
грамотой районного исполнительного комитета награжден СИВАКОВ Александр
Михайлович, Почетный гражданин города Осиповичи.