Святы вечар добрым людзям!

У калядныя дні нярэдка можна ўбачыць гурты калядоўшчыкаў, якія ходзяць па дамах і вітаюць гаспадароў абрадавымі песнямі ды найлепшымі пажаданнямі. У нашых мясцінах прынята рабіць такія візіты пад стары Новы год.

Сёлета з-за складанай эпід-сітуацыі не ўсе рашыліся ад-правіцца па звыклым святочным маршруце. А вось на вуліцах Каўгароў 13 студзеня можна было ўбачыць Казу, Механошу, Цыганку і іншых персанажаў каляднай працэсіі і пачуць вясёлыя напевы. Удзельнікаў народнага ансамбля народнай песні “Вяселле”, якія пераўвасобіліся на нейкі час у калядоўшчыкаў, гасцінна сустракалі жыхары аграгарадка, ахвотна падпявалі ім, прыветліва ўсміхаліся дасціпным жартам.

Першымі наведалі мнага-дзетную сям’ю Крэпскіх. Шчыра віталі гасцей хатняя гаспадыня Святлана і работнік ляс-ніцтва Генадзь, а таксама чацвёра іх меншых дзяцей. Рабяты добра знаёмы з народнымі традыцыямі, не па чутках ведаюць і пра Каляды, бо раней самі прымалі ў іх удзел, а зараз сталі прымаючым бокам.

Адзін за адным самадзейныя артысты наведвалі па-дворкі землякоў, нагадваючы, што Каляды — гэта не проста вясёлае свята, а праява вялікай радасці нараджэння Хрыста, адна з найважнейшых падзей для хрысціян, а калядаванне — шматвекавая традыцыя, якую трэба захоўваць для будучых пакаленняў.

Кіраўнік ансамбля “Вяселле” Анатоль Цімашэнка расказаў, што сцэнарый свята яны складалі паступова, базіруючыся на фальклорным матэрыяле, а таксама ўспамінах вясковых старажылаў, што дазволіла захаваць мясцовы каларыт.