«Александрыя збірае сяброў-2021»

Шэраг узнагарод прывезлі з рэспубліканскага свята нашы землякі

Першае месца ў абласным конкурсе дэкаратыўна-прыкладной творчасці   «Ручнік — шлях жыцця чалавека» ў намінацыі “За лепшую рэканструкцыю традыцыйнага ручніка» падзялілі паміж сабой кіраўнік узорнай студыі ткацтва «Чароўныя ўзоры» РЦНР Вольга Наўдзюнас і кіраўнік аматарскага аб’яднання «Пасажніца» Вяззеўскага СДК Ірына Забаўская. У гэтым жа конкурсе ў намінацыі «Аўтарскі ручнік» Дыпломы II ступені  атрымалі настаўнік філіяла мастацкага кірунку ДШМ № 1 Аляксандра Рыбак і вучаніцы Ірыны Забаўскай Юлія Каранькова ды Алёна Чыгілейчык.

Ткацтва і вышыўка майстроў і педагогаў ДУК «Цэнтралізаваная клубная сістэма Асіповіцкага раёна» і філіяла мастацкага кірунку ДШМ № 1 заняла вышэйшую ступень у намінацыі «Лепшая выставачная калекцыя».

Народны ансамбль народнай песні і музыкі «Дзівакі» раённага Цэнтра культуры і адпачынку дзяржаўнай установы культуры «Цэнтралізаваная клубная сістэма Асіповіцкага раёна» быў задзейнічаны ў цырымоніі ўрачыстага адкрыцця свята, а канцэртная праграма «Крыніцы народнай творчасці» гэтага калектыву суправаджалася бурнымі авацыямі і крыкамі «брава».