Нядаўна ў Мінску ў рамках комплексу мерапрыемстваў, прысвечаных 70-годдзю Вялікай Перамогі, адбыўся фінальны тур III рэспубліканскага фестывалю-конкурсу песні ДТСААФ “Воіну-пераможцу пяём мы славу”. Журы адзначыла прафесійны ўзровень падрыхтоўкі ўдзельнікаў, высокую адказнасць за якаснае выкананне песень ваенна-патрыятычнай тэматыкі. Прыемна, што сярод удзельнікаў музычных спаборніцтваў ёсць і двое асіпаўчан, якія прайшлі раённы і абласны адборачныя туры, — Вольга Раманчук і Вераніка Кузьміч. Першай дзяўчыне прысуджана  3-я прэмія ў намінацыі “Песні пра Беларусь “Слаўся, зямлі нашай светлае імя” за выкананне кампазіцыі “Адлятаюць гусі”. А яе сяброўка атрымала дыплом удзельніка — выступала з лірычным творам “Права на каханне”. Абедзве канкурсанткі працуюць у ДШМ № 2 і актыўна займаюцца канцэртнай дзейнасцю.