Культура

У ліку лепшых

Дыпломы пераможцаў прывезлі з ХХVII Дня беларускага пісьменства дзеячы культуры Асіповіччыны.

У рэгіянальным конкурсе аб’ёмнай скульптуры “Залаты Птах” першынство атрымалі адразу тры творчыя работы: “Салдат Іванка” народнага майстра-ганчара Дзмітрыя Палешчука, пеўнік з пшанічнага калосся, зроблены па матывах казкі “Як курачка пеўніка ратавала”, майстра па лозапляценні Таццяны Шунькінай і кампазіцыя з сухога качання па матывах казкі “Чортаў скарб” (у гонар 90­годдзя з дня нараджэння Уладзіміра Караткевіча) члена Белару-скага саюза майстроў народнай творчасці Валянціны Прасаловіч. Другое месца заняла студыя керамікі “Колаўрат”: з дапамогай кіраўніка Веранікі Шынкаровай рабяты зрабілі пано “Як коцік звярэй напалохаў”.

Праводзіўся таксама анлайн конкурс “Залатая яблынька”, падчас якога член Беларускага саюза майстроў народнай творчасці Вольга Наўдзюнас, якая звязала кручком цацку-церабільніцу “Зайка”, атрымала дыплом удзельніка.

На фестывалі “Вянок беларускіх казак” народны тэатр “Надзея” прапанаваў гледачам беларускую народную казку “Зайкін скарб”. Артысты з кіраўніком Наталляй Астрашэўскай паказвалі прадстаўленне некалькі разоў на працягу свята і прывезлі дадому дыплом удзельніка.