Кіраўнік клубнага аб’яднання “Искусница” Цэнтра народных рамёстваў і дэкаратыўна-прыкладнога мастацтва Валянціна Прасаловіч нядаўна была ўзнагароджана Дыпломам ІІ ступені па выніках абласнога конкурса “Магілёўская лялька ў рэгіянальным строі”. Выкананая ёй работа ў тэхніцы сухога валяння прадстаўлялася ў намінацыі “Лялечная кампазіцыя”. Усяго з Магілёўшчыны ў творчым спаборніцтве, якое праходзіла ў рамках V Міжнароднага форуму “Традыцыйная культура як стратэгічны рэсурс устойлівага развіцця грамадства”, прымалі ўдзел 46 рамеснікаў.