Днямі ў раённы Цэнтр народных рамёстваў і дэкаратыўна-прыкладнога мастацтва прыйшло
некалькі прыемных навін.

Адна з іх тычыцца народнага майстра па ткацтву
Аляксандры Рыбак. Яе работы экспанаваліся ў выставачнай зале Мінскага абласнога
цэнтра народнай творчасці ў рамках штогадовай рэспубліканскай выставы
Беларускага саюза майстроў народнай творчасці і былі прызнаны лепшымі ў
намінацыі “ткацтва”. Аляксандра атрымала Дыплом I ступені.

Другая ўзрадавала маладога ганчара Вольгу
Жарнасек. Нягледзячы на тое, што дзяўчына ўпершыню ўдзельнічала ў абласным
конкурсе самадзейных майстроў па кераміцы, яна ўдала справілася з пастаўленай
задачай. Як вынік — III месца ў намінацыі “Лепшы майстар ганчарнага круга”.