Спартыўныя бальныя танцы ў Беларусі карыстаюцца
нямалай папулярнасцю. Амаль кожныя выхадныя дзесьці ладзяцца турніры. Члены
асіповіцкага клуба “Легенда” традыцыйна прымаюць актыўны ўдзел у розных
спаборніцтвах Міншчыны.

На рэспубліканскім турніры “Сталічны баль” Кірыл
Марчанка і Насця Плют у групе “дзеці-1”
сталі другімі. Паездка на “Кубак Маладзечна” прынесла “пачаткоўцам” Юру
Мацвееву і Хрысціне Раманоўскай бронзавыя медалі. А Максім Марчанка і Маша
Лубінская сталі пераможцамі ў групе “дзеці-1” на барысаўскім “Белым танцы”.

У рэйтынгу спартыўных танцавальных пар па
выніках сёлетніх айчынных турніраў асіпаўчане займаюць наступныя месцы: Кірыл
Марчанка і Насця Плют — 26-я з 56 пар (група “дзеці-1”); Ілья Лобач і Саша Грынь —
38-я з 137 (група “дзеці-2”).

Вольга ЛЮБАНСКАЯ.