Міжнародны фестываль дзіцячай творчасці “Залатая
пчолка” прайшоў з 30 мая па 3 чэрвеня ў Клімавічах.

Юныя таленты з Беларусі, Расіі, Украіны,
Казахстана, Літвы, Эстоніі, Латвіі, Малдовы, Таджыкістана высвятлялі, хто з іх
лепшы ў 8 намінацыях і 4 відах мастацкай творчасці: вакальнай, харэаграфічнай,
выяўленчай і дэкаратыўна-прыкладной. Не абышоўся фестываль і без удзельнікаў з
Асіповіч. Адзінаццацігадовая Насця Асадчая займаецца ў студыі ткацтва “Чароўныя
ўзоры” раённага Цэнтра народных рамёстваў. Тры яе работы — тканыя сурвэткі —
прайшлі папярэдні адбор у Магілёве, а затым непасрэдна на конкурсе ў намінацыі
“Ткацтва” міжнароднае журы прысудзіла Насці трэцяе месца. Віншуем дзяўчынку і
яе педагога Аляксандру Рыбак.