Осиповичи раньше и сейчас
Раней і зараз
Адным з лідараў асіповіцкага дойлідства ў 30-я гады мінулага стагоддзя была Рабоча-Сялянская Чырвоная армія. Менавіта вай-скоўцамі ў гэты перыяд будаваліся адразу два ваенныя гарадкі. На тагачасным драўляна-аднапавярховым фоне іх высокія цагляныя казармы і іншыя пабудовы выглядалі велічна. Ну а што думалі звычайныя гараджане пра бытавыя перавагі чырвонаармейскай службы — паравое ацяпленне, цэнтралізаванае водазабеспячэнне, каналізацыю і электрычнае асвятленне, — застаецца толькі здагадвацца.
Размешчаны ў паўночным гарадку гарнізонны Дом афіцэраў не адно дзесяцігоддзе быў, бадай, самым прэстыжным гарадскім танцполам.
Пасля перадачы паўночнага гарадка ў дзяржмаёмасць — гэта адбылося на пачатку 2000-х — Дом афіцэраў доўга стаяў занядбалым і адносна даступным для ўсіх жадаючых. Скончылася такая анархія прадказальна: пажарам, што знішчыў дах…
У такім гаротным стане ГДА знаходзіўся да таго часу, пакуль яго ўласнікам не стала ТАА “Алаюр Плюс”. Новыя гаспадары захавалі гістарычны выгляд і прызначэнне — зразумела, з улікам уласных інтарэсаў. Так што сёння гэта кафэ-піцэрыя “Гарадок” і, бадай, самая прыгожая пабудова ў мікрараёне вуліцы Чарняхоўскага.
