27 гадоў у якасці галоўнага фінансіста аддала
асіповіцкай «раёнцы» Марыя Аляксандраўна Голуб.

Па роду дзейнасці бухгалтар аднолькава
скрупулёзна падлічвала як значныя даходы газеты ў 80-я гады, так і страты ў
90-я і пачатку 2000-х. Толькі, канечне, з розным настроем. Хаця, ня-гледзячы ні
на што, яна заўсёды была спакойным, ураўнаважаным чалавекам, якога ніколі не
прываблівалі ні пасады, ні ўзнагароды.

Ва ўтульны кабінет — адразу ля ўваходных
дзвярэй, наведвальнікі звычайна заходзілі з аптымізмам — шчырай усмешкі гэтай
жанчыны хапала для ўсіх. А знаходзіць агульную мову з рознымі людзьмі
дапамагала рыса, якую сама яна называла акуратнасцю жыцця.

Тамара ВАЛАДЗЬКО.