Ясенскі сельсавет займае паўднёва-ўсходнюю частку раёна. У яго склад уваходзяць 14 населеных пунктаў: Аляксандраўка, Вайнілава, Грынёўка, Журавец, Залессе, Заельнік, Люлева, Матавіла, Асяродак, Ражнетава, станцыя Ясень, Татаркавічы, Ясень, Ясяноўка. На тэрыторыі сельсавета разме-шчаны АСВК “Ясень”, ДУА “Ясенская сярэдняя школа”, сацыяльны прытулак для дзяцей дашкольнага і школьнага ўзросту, сельская ўрачэбная амбулаторыя з дзённым стацыянарам на 10 койка-месцаў, Дом культуры, сельскі клуб на ст. Ясень, дзве бібліятэкі, столькі ж ФАПаў і аддзяленняў сувязі, два магазіны Асіповіцкага райста, кафэ-бар і харчовы павільён прыватнага прадпрымальніка П.А.Пахоменкі, сялянская гаспадарка “Садовае” І.І.Навумовіча.

Пражывае 924 жыхары, з якіх 501 — працаздольнага ўзросту, пенсіянераў — 288, дзяцей — 135.