Пабрацімы

Ёсць тэмы для стасункаў

У рамках рэалізацыі плана міжнароднага таварна-эканамічнага і культурнага развіцця дэлегацыя з Асіповіч на чале з першым намеснікам старшыні райвыканкама Сяргеем Ананічам наведала Кранштат. Галоўны спецыяліст аддзела ідэалагічнай работы і па справах моладзі райвыканкама Таццяна Логвін, якая пабывала ў горадзе-пабраціме ўжо другі раз, падзялілася ўражаннямі:

— Праграма паездкі была вельмі насычанай. Абзорная экскурсія па горадзе, наведванне музея гісторыі Кранштата. Вельмі ўразіла знаёмства з работай сярэдняй школы № 422, у якой адкрыта лічбавая лабараторыя, што рэалізоўвае праграмы ў вобласці ІТ-тэхналогій, працуе свая кіна-студыя, Яндэкс-ліцэй. Плануем наладзіць супрацоўніцтва гэтай установы адукацыі з нашымі школамі.

Яшчэ адно месца, якое напоўніла цудоўнымі эмоцыямі, гэта раённая дзіцячая бібліятэка. Пераступаючы яе парог, маленькія наведвальнікі трапляюць у мар-ское царства і, падарожнічаючы па ім, знаёмяцца з новымі творамі. Цудоўнае афармленне, цікавае прадметна-развіваючае асяроддзе. Лічу, што калегам-бібліятэкарам з нашага горада ёсць чаму павучыцца.

А яшчэ мы прынялі ўдзел у фестывалі моладзі і прыгажосці, прысвечаным Дню моладзі, які адзначаецца як у Расіі, так і ў Беларусі. У гэты дзень на сцэне Палаца моладзі выступалі артысты, гучалі віншаванні і пажаданні ў адрас маладога пакалення. Удзельнікам добраахвотных экалагічных рухаў, розных гарадскіх мерапрыемстваў уручаліся падзячныя лісты. Адбыўся і фінал конкурсу прыгажосці “Місіс Кранштат-2021”. Цікава арганізавалі рок-фестываль, было шмат выступленняў творчых калектываў. Дарэчы, наш спявак, саліст народнага ансамбля “Сузор’е” Аляксандр Мацвяёнак таксама выступіў на сцэне. Сімвалічна, что ён выканаў песні як на рускай, так і на беларускай мовах.

За круглым сталом абмеркавалі пытанні далейшага супрацоўніцтва. Абодва бакі зацікаўлены ў тым, каб яно было плённым.