Якасць пад кантролем

Бездакорнае выкананне тэхнікі бяспекі — адзін з ключавых момантаў працы лабаранта лабараторыі Асіповіцкай міні-ЦЭЦ Ганны Герасімчык. Штодзень жанчыне прыходзіцца кантактаваць з абсталяваннем пад высокім ціскам і гарачай вадой.

— У абавязкі ўваходзіць адбор проб тэхнічнай, сеткавай, падпітачнай, катловай вады, — тлумачыць Ганна Генадзьеўна. — Кожны від вадкасці аналізуецца праз вызначаны прамежак часу разнастайнымі метадамі. Даглядаем і за прыборамі, на якіх даводзіцца працаваць. Адным словам, спецыялісты лабараторыі занятыя ўвесь дзень, увесь час на нагах. Таму прытрым-ліванне правіл аховы працы — гарантыя ўласнага дабрабыту.