Падчас нарады, прысвечанай паляпшэнню бізнес-клімату Асіповіцкага раёна, якая прайшла 22 лютага, быў агучаны шэраг праблем, не спрыяючых рэалізацыі дзелавой ініцыятывы, і ў вырашэнні якіх мясцовая бізнес-супольнасць разлічвае на дапамогу з боку раённай адміністрацыі. У сваю чаргу прадстаўнікі зацікаўленых структур акрэслілі накірункі дзейнасці, у якіх партнёрства дзяржавы і прадпрымальніцтва можа мець найбольшы плён.

Падводзячы вынікі нарады, старшыня райвыканкама Павел Налівайка адзначыў, што актыўны дыялог можа спрыяць больш хуткаму вырашэнню многіх пытанняў. Ён параіў усім зацікаўленым бізнесменам абмеркаваць шляхі актывізацыі дзейнасці савета па прадпрымальніцтве, які існуе з 2010 года, аднак у існуючым фармаце ўжо не адпавядае патрабаванням часу.