Наталля Аляксейчык ганарыцца тым, што працуе на адным з самых магутных прадпрыемстваў Асіповіччыны — заводзе транспартнага машынабудавання

Яна аператар кацельні 4 разраду. Вытворчыя цэхі, тэхналагічныя і адміністрацыйныя пабудовы завода забяспечваюць цяплом два катлы, якія працуюць на прыродным газе. Наталля Іванаўна трымае на кантролі некалькі дзясяткаў параметраў іх работы.

— Абсталяванне ўсё сучаснае, дасканалае, — канстатуе работніца. — Таму працаваць адно задавальненне.

На прадпрыемстве яна ўжо сем гадоў і ад кіраўніцтва заслугоўвае толькі станоўчых водгукаў: старанная, дысцыплінаваная, акуратная.