Па выніках раённага спаборніцтва за дасягненне
найлепшых вынікаў у выкананні асноўных паказчыкаў прагнозу
сацыяльна-эканамічнага развіцця раёна за 2009 год у групах “Арганізацыя
энергетыкі і жыллёва-камунальнай гаспадаркі”, “Будаўнічыя і дарожна-будаўнічыя
арганізацыі” калектыў Асіповіцкага ДУКВП “Водаканал” узнагароджаны Дыпломамі I
ступені і занесены на раённую Дошку гонару.

Дзейнічаць… насуперак і на карысць

Галоўнае — выстаяць. У любых абставінах. Як бы цяжка
ні было. І ніколі не здраджваць намечанаму. Нават калі ўсе пачынаюць згортваць
аб’ёмы вытворчасці, скарачаць працоўныя месцы, адмаўляцца ад складаных заказаў.

Усё гэта было тады, калі ў лістападзе 2006 года Ігар
Трацяк узначаліў ДУКВП “Водаканал”.

Цяжкі гэта быў час для прадпрыемства.
Матэрыяльна-тэхнічная база амаль цалкам развалена. Працавала 2-3 адзінкі
тэхнікі. Адны рабочыя звальняліся, шукалі лепшага. Іншыя ся-дзелі, нечага
чакалі.

Хто хоць аднойчы ледзь-ледзь адступіўся, таму вельмі
цяжка падняцца. Новы кіраўнік гэта добра разумеў. Таму ўсё рабіў па-свойму. А
дакладней — насуперак існуючай гаспадарчай логіцы. Стаў прымаць на працу
будаўнікоў, пашырыў рамонтна-будаўнічы ўчастак, адкрыў цэх жалезабетонных
вырабаў. У рамках Дзяржаўнай праграмы адраджэння і развіцця вёскі заняўся
ўзвядзеннем жылых домікаў у аграгарадках. Разам з выкананнем сваіх галоўных
функцый — водазабеспячэння і каналізацыі, зрабіў упор на іншыя віды дзейнасці.
Канкрэтна — на будаўніцтва. І не памыліў-ся!

Новы этап развіцця прадпрыемства пачаўся з прыходам
сюды менавіта Ігара Анд-рэевіча. Быў узяты курс на мадэрнізацыю абсталявання і
аднаўленне тэхнікі, укараненне новых тэхналогій, на стварэнне камфортных умоў
для працы і стабілізацыю працоўнага калектыву.

…Некалькі дзён таму разам з дырэктарам ДУКВП
“Водаканал” едзем па гора-дзе, і ён не хавае захаплення ад яго прыгажосці.
Чараўніца-зіма апранула ў маляўнічыя белыя шапкі дрэвы на вуліцах і ў парках,
будынкі — цагляныя і драўляныя — таксама ахутаны прыгожай беласнежнай коўдрай.

— Наша работа, — паказваючы на толькі што ўзве-дзеную
120-кватэрную шматпавярхоўку па вуліцы Сташкевіча, кажа кіраўнік. — Прыемна,
што апошнім часам горад пазбаўляецца ад шэрасці будынкаў і становіцца больш
светлым і ўтульным.

Па дарозе Трацяк расказвае, што мінулы год
прадпрыемства скончыла ў цэлым, як і належыць. Сёлетні, спадзяюцца, будзе не
горшым. А ўсё таму, што да кожнага зімовага перыяду ў ДУКВП “Водаканал”
рыхтуюцца загадзя. Правялі рэвізію 201,3 кіламетраў вода-праводных і 123,2 —
каналізацыйных сетак; прамылі 141 км водаправоду, праверылі 425 водазаборных
калонак і 91 артсвідравіну, адрамантавалі 960 пагонных метраў агароджы 1-га
санітарнага пояса артсвідравін і 2 воданапорныя вежы.

— Намечаныя мерапрыемствы выкананы, — канстатуе Ігар
Андрэевіч. — Капітальна адрамантавалі вода-праводы ў Пагарэлым, Вялікай Гарожы,
Карытным, па вул. Савецкай у горадзе. Закончаны першы этап рэканструкцыі
гарадскіх ачышчальных збудаванняў. Там адкрылі бактэрыялагічную лабараторыю,
якая займаецца кантролем якасці пітной вады па мікрабіялагічных паказчыках.
Створаны ўчастак і атрыманы сертыфікат адпаведнасці на правядзенне работ па
паверцы і рамонту прыбораў уліку вады. Падыходзяць да фінішу будаўнічыя работы
на станцыі тэхнічнага абслугоўвання аўтамабіляў, якая праз месяц-другі запрацуе
на паўднёвай частцы горада. Для паслуг работнікаў прадпрыемства і гараджан узведзены
цудоўны фізкультурна-аздараўленчы комплекс. Амаль цалкам абноўлены
машынна-трактарны парк прадпрыемства…

 Пытанне зарплаты
зараз, мусіць, паўсюль адно з самых набалелых і прынцыповых. У ДУКВП
“Водаканал” яно таксама ў цэнтры ўвагі. Сярэднямесячны заробак работнікаў
прадпрыемства летась склаў 962.560 рублёў. Той, хто старанна шчыруе на
аб’ектах, атрымлівае і паболей.

Галоўная каштоўнасць — кадры

Кадры вырашаюць усё! Лозунг часоў першых пяцігодак у
многім актуальны і сёння, і гэта добра разумеюць на прадпрыемстве. Тут
сфарміраваны даволі згуртаваны, вопытны калектыў, які стараецца высока несці
марку работніка “Водаканала”. Спалучэнне ветэранаў і перспектыўнай моладзі —
вопыту і маладосці — дазваляе павышаць эфектыўнасць работы. Усё гэта ў роўнай
меры адносіцца як да кіраўніцтва, так і рабочых спецыялістаў.

Не хаваючы гонару Ігар Андрэевіч называў прозвішчы
людзей, дзякуючы каму прадпрыемства дасягнула такіх станоўчых вынікаў. Сярод
лепшых — электраманцёры Міхаіл Баран, Уладзімір Біскуб і слесар
аварыйна-аднаўленчых работ Аляксандр Тумашык і электрагазазваршчыкі Юрый
Барсукоў і Міхаіл Ксянчук, кантралёр участка вадазбыту Клаўдзія Лутовіч, сталяр
Аляксандр Пацкевіч і рамшчык Фёдар Слука, ва-дзіцель Кірыл Каешка і машыніст
крана Мікалай Барадзін, маляры Валянціна Здрок і Аксана Скарына, муляр Віктар
Ігнаценка, слесары Аляксей Крылоў, Уладзі-мір Мільто і Аляксандр Капралаў,
начальнік лабараторыі Наталля Астаповіч, мантажнікі Анатолій Каспяровіч,
Васілій Віхроў, многія іншыя.

Зладжана, эфектыўна, з размахам сёння жыве і працуе
гэтае камунальнае прадпрыемства, якое дае нам чыстую ваду і будуе жыллё.

Тамара ВАЛАДЗЬКО.