У раёне вядзецца сур’ёзная работа па
энергазберажэнні, укараненні эфектыўных тэхналогій і абсталявання, забеспячэнні
стабільнага зніжэння ўжывання паліўна-энергетычных рэсурсаў. Значная ўвага
гэтаму пытанню надаецца калектывам УКП ЖКГ, які ўжо амаль 15 гадоў узначальвае
Леанід Сцяпанавіч Змачынскі. Выкананне Дырэктывы № 3 Прэзідэнта краіны тут ідзе
адразу ў некалькіх накірунках: пераход на мясцовыя віды паліва, замена
абсталявання на больш эканамічнае, строгі кантроль за спажываннем электраэнергіі…

Як правіла, па працы і пашана: летась — другія ў
вобласці, па выніках 2010 года — пераможцы раённага спаборніцтва за лепшыя
паказчыкі ў галіне эканоміі і беражлівасці.

У першую чаргу гэтага ўдалося дасягнуць,
дзякуючы якаснаму рамонту і мадэрнізацыі кацельнага абсталявання і цепласетак —
самага слабага звяна цеплаперадачы. Дарэчы, замену іх на так званыя ПІ-трубы
наша ЖКГ самастойна праводзіць ужо доўгі час. Толькі ў мінулы год на
мадэрнізацыю цеплаабсталявання тут затрачана 1.916,7 млн. рублёў.

Тым не менш, як запэўніў кіраўнік, раённымі
камунальнікамі не ўсе рэзервы ў гэтым накірунку яшчэ выкарыстаны, працэс
замяшчэння імпартуемых цепланосьбітаў мясцовымі відамі паліва будзе працягвацца
і сёлета. І на бліжэйшы час па праграме энерга-зберажэння запланавана аб’ёмная
рэканструкцыя абсталявання на кацельні “Маяк”.

Кацярына Кірэева.