Яравы клін на палях Асіповіччыны сёлета будзе
вы-глядаць наступным чынам: ячмень — 1.480 гектараў, пшаніца — 700, авёс — 310,
грэчка — 300, зернебабовыя — 950, кукуруза — 6.500, у тым ліку 1.000 гектараў
на зерне, 150 гектараў яравога рапсу ды 1.490 — цукровых буракоў. Каб якасна
засеяць гэтыя плошчы, неабходна сур’ёзная падрыхтоўка.

Менавіта мэту рознабаковага настройвання і меў
праведзены днямі на базе СВК “Калгас “Чырвоны ўдарнік” семінар з удзелам
кандыдата тэхнічных навук, дырэктара Магілёўскага дзяржаўнага вучэбнага Цэнтра
павышэння кваліфікацыі кадраў, кансультавання і аграрнай рэформы Якава
Яроцкага. Гэты навуковец з раёнам супрацоўнічае даўно, аналагічныя семінары
праводзіў ужо не адзін раз, дэталёва ведае не толькі ўсе тонкасці работы з
тэхнікай, але і як патрэбныя веды данесці да працаўнікоў гаспадарак.

Перад запрошанымі на мерапрыемства кіраўнікамі,
галоўнымі аграномамі і інжынерамі сельгаспрадпрыемстваў, а таксама
механізатарамі, якія будуць ажыццяўляць сяўбу яравых, выступіў начальнік
упраўлення сельскай гаспадаркі і харчавання райвыканкама Міхаіл Поклад. Ён
паставіў канкрэтныя задачы, акрэсліў тэрміны правядзення сельгасработ, нагадаў
аб важнасці выканання тэхналагічных патрабаванняў.

Асноўная ўвага была нададзена тэхнічным
настройкам, якія спрыяюць якаснаму выкананню розных тэхнала-гічных аперацый. І
хоць на-двор’е не дазволіла ў вызначаны дзень выехаць у поле, аднак
механізатары мелі магчымасць пераканацца, што правільна наладжаная тэхніка не
толькі якасна працуе, але і не траціць лішняга гаручага. Недакручаная або
перакручаная гайка можа падарваць эфектыўнасць працы ўсяго агрэгата. “Чырвоны
ўдарнік” для правядзення семінара быў абраны невыпадкова: тут у наяўнасці ўся
лінейка па-трэбнай на сяўбе тэхнікі, а памеры мехдвара дазвалялі без перашкод
да яе падступацца з любога боку.

Падводзячы вынікі “сельгасурока”, першы намеснік
начальніка райсельгасхарчу Ганна Яцко параіла ўсім па вяртанні ў свае
гаспадаркі яшчэ раз дэталёва праверыць і адрэгуляваць настройкі тэхнікі, перагледзець
заданні, нормы выпрацоўкі і аплаты працы на час актыўных сельгасработ.
Механізатары павінны быць забяспечаны спецадзеннем і гарачым харчаваннем, каб
маглі цалкам засяродзіць сваю ўвагу на працэсе сяўбы.

Валянціна КОРБАЛЬ.