Па выніках
работы ў жывёлагадоўлі за студзень-верасень, падведзеных Міністэрствам сельскай
гаспадаркі і харчавання, Асіповіччына знаходзіцца на 38 месцы сярод 118 раёнаў
Беларусі. Iмкнуцца нашым жывёлаводам ёсць да чаго — нават у мінулагоднім
адпаведным рэйтынгу раён быў на 35 радку.

Якія паказчыкі
адпавядаюць занятай пазіцыі? Сярэдні ўдой малака ад каровы — 3.819 (+137)
кілаграмаў. Вытворчасць малака склала 26.744 тоны — 103,7%, жывёлы — суадносна
3.015 і 102,8. Не вельмі радуюць сярэднясутачныя прывагі на вырошчванні і
адкорме: буйная рагатая жывёла прыбаўляла ў сярэднім па 603 грамы, свінні — па
309. I калі мінус па сярэднясутачных прывагах БРЖ нязначны — 28 грамаў, то
свінні «згубілі” па 122.

Дарэчы,
сярэдні ўдой малака на карову па Магілёўшчыне за 9 месяцаў склаў 3.425
кілаграмаў, а па рэспубліцы — 3.674. Сярэднясутачныя прывагі БРЖ і свіней — 614
(633) і 553 (551) адпаведна.