Вадзіцелі і пасажыры транспартных сродкаў пры нечаканых ухабе ці калдобіне на шашы лаюць на ўсе лады “дарожнікаў”, якія не паспелі выправіць хіб. Але не так лёгка ўтрымліваць у ідэальным стане многакіламетровую сетку дарог, па якіх пастаянна ідуць машыны.

275 кіламетраў дарог рэспубліканскага значэння з асфальтабетонным пакрыццём — гэта не вясковы гасцінец: за імі патрэбен пастаянны догляд. ДЭУ-73 з ускладзенымі на яго абавязкамі спраўляецца выдатна. Даведзеныя дагаворныя абавязацельствы летась выкананы цалкам з перавышэннем планавых паказчыкаў, у абласным “Магілёўаўтадары” калектыў на працягу некалькіх гадоў займае лідзіруючыя пазіцыі.

Галоўны паказчык якаснай работы — бяспека дарожнага руху. На жаль, пазбегнуць дарожна-транспартных здарэнняў наогул немагчыма, але ДЭУ-73 адсочвае ўсе аварыі на сваіх дарогах, спецыялісты прадпрыемства выяз-джаюць на месца, усё дэталёва аналізуюць і высвятляюць, была прамая віна вадзіцеля ці спадарожныя прычыны.

Працаваць “дарожнікам” даводзіцца ў непрадказальных прыродных умовах, а спрагназаваць свае дзеянні на сёння дапамагае дарожна-вымяральная станцыя, дзе на маніторы можна ўбачыць надвор’е на тэрыторыі ўсёй краіны ў рэжыме рэальнага часу, рух цыклонаў, ветру ці ападкаў, што дапамагае своечасова мабілізавацца.

Тэхнікай дарожная арганізацыя забяспечана нядрэнна. 9 МАЗаў, 12 трактароў, 5 пагрузчыкаў, 3 аўтагрэйдары, 8 грузавых машын і іншае служыць стварэнню камфортных умоў для ўдзель-нікаў дарожнага руху. І машынны парк паступова абнаўляецца.

— Дарогі падтрымліваюцца ў належным стане сіламі выдатных працаўнікоў, — лічыць дырэктар прадпрыемства Мікалай Івашка, — да якіх па праву можна аднесці галоўнага механіка Валянціна Патапава, начальніка ЛДД Аляксандра Салыгу, вадзіцеляў Васіля Кашыцкага, Ула-дзіміра Скітовіча, Дзмітрыя Паукова, Рыгора Сямашку, Уладзіміра Міцякіна і многіх іншых. Хочацца выказаць удзячнасць усяму калектыву за работу, адказныя адносіны да даручанай справы.

І кіраўніцтва, у сваю чаргу, цэніць людзей, з якімі працуе. Стварае ўмовы для работы ў майстэрнях, забяспечвае спецадзеннем. Перад выездам на трасу ўсе шафёры праходзяць медагляд. Заахвочваюцца не толькі словам, але і рублём людзі, для якіх здаровы лад жыцця — норма. А таму наведванне басейна, удзел у спаборніцтвах, лыжных кросах — звычайная справа для хлопцаў, што тут працуюць. Аляксандр Куліш і Аляксандр Салыга — спартыўны гонар прадпрыемства.

 Пры стварэнні сям’і, нараджэнні дзіцяці, прада-стаўленні водпуску ці выхадзе на пенсію ўсе члены калектыву атрымліваюць грашовую дапамогу. Не забываюцца тут і пра ветэранаў.

…Зараз вядзецца рэканструкцыя магістралі Мінск-Гомель, хутка будзе наладжаны 4-палосны рух — і да гэтага зноў мае дачыненне наша ДЭУ-73, якое дапамагае тэхнікай хутчэйшаму выкананню работ.

Асноўныя паказчыкі работы ДЭУ-73 за 2011 г.

Выручка            9.215,9 млн. руб.

Увод аб’ектаў            19,915 км

Сярэднямесячная зарплата     1.852,4 тыс. руб.

Прадукцыйнасць        106,1 млн. руб.

Рэнтабельнасць        4,2%

Прыбытак            313 млн. руб.