Міністэрствам сельскай гаспадаркі і харчавання
падведзены рэспубліканскія вынікі работы ў жывёлагадоўлі за студзень-чэрвень.
Асіповіцкі раён займае 36 пазіцыю сярод 118. Гэтаму месцу адпавядаюць
вытворчасць малака ў 17.004 тоны, што складае 96,9% да мінулагодняга, сярэдні
ўдой ад каровы ў 2.427 кілаграмаў, што таксама на 310 кілаграмаў менш, чым за
адпаведны леташні перыяд. Больш за 100% стаіць толькі ў графе «вытворчасць
жывёлы і птушкі” — 1.965 тон, 101,9%. Нязначны плюс у 10 грамаў атрымалі
працаўнікі ферм Асіповіччыны па сярэднясутачных прывагах свіней. Гэты паказчык
адпавядаў у I паўгоддзі 438 грамам — ніжэй за абласны (553) і рэспубліканскі
(536) вынікі.

Паступова раён усё ж аднаўляе былыя рубяжы,
«адваяваўшы” дзве пазіцыі ў параўнанні са студзенем-сакавіком. Аднак вярнуць
некалі ўзятую вышыню вельмі складана…