Штогод станцыя Асіповічы транспартнага РУП
“Магілёўскае аддзяленне Беларускай чыгункі” выходзіць на новыя магутнасці.
Напрыклад, сёлета пагрузка за 5 месяцаў склала 145% да леташніх паказчыкаў. У
сярэднім штосуткі тут грузіцца 30-35 вагонаў. Асноўныя партнёры прадпрыемства ў
гэтым кірунку — установа па захаванні матэрыяльных каштоўнасцей “Маяк”, ДДЛГУ
“Асіповіцкі доследны лясгас”, ААТ “Дах”, 
ЗЖБК і Асіповіцкі вытворчы ўчастак ААТ “Бабруйскі камбінат
хлебапрадуктаў”.

Разгружаецца вагонаў прыблізна столькі ж — каля
трох дзясяткаў штодня. Што часцей за ўсё дастаўляецца па чыгунцы з розных
куткоў Беларусі і з-за яе межаў на станцыю Асіповічы? Гэта наф-таналіўныя
прадукты, сыпучыя грузы. Апошнія прызначаюцца будаўніча-дарожным арганізацыям,
якія ажыццяўляюць будаўніцтва важнай для ўсёй краіны “артэрыі” — аўтамагістралі
Мінск-Гомель. Усяго ж за суткі праз станцыю Асіповічы праходзіць каля 3.200
грузавых вагонаў, а таксама 86 пар пасажырскіх і прыгарадных цягнікоў.

У бліжэйшай перспектыве — рэканструкцыя станцыі
з выдзяленнем у асобны напрамак пасажырскіх пуцей для аптымізацыі руху. З мэтай
павышэння бяспекі чыгуначнага аб’екта і грамадзян плануецца паэтапнае
ага-роджванне тэрыторыі станцыі жалезабетоннымі плітамі.

Актыўна вядуцца распачатыя ў красавіку работы па
электрыфікацыі напрамку Асіповічы-Жлобін. Ёсць вялікая верагоднасць, што ўжо да
прафесійнага свята чыгуначнікаў, якое адзначаецца ў пачатку жніўня, пасажыры
будуць мець магчымасць ездзіць з нашага райцэнтра ў Бабруйск на электрацягніку.