Напярэдадні
прафесійнага
свята
з візітам наведаліся на адно з галоўных прадпрыемстваў горада — малочны камбінат, з нядаўняга часу — філіял “Асіповіцкі” ААТ “Бабушкина крынка”. Яго дырэктар Таццяна Жорава і падзялілася сваімі
планамі-роздумамі.

 — Ці правільна меркаваць, што “рух наперад” і “перамены” — словы, якія найбольш ярка характарызуюць стан спраў на прадпрыемстве сёння?

— Так,
і самае значнае новаўвядзенне — адкрыццё цэха па вытворчасці паўцвёрдых сыроў. Гэты маштабны інвестыцыйны праект не толькі дазволіў нам заявіць пра сябе на новым узроўні, але і стаў платформай для стварэння дадатковых працоўных месцаў: узялі на работу каля паўсотні чалавек. Ну і, канечне, адна з нядаўніх важнейшых падзей — далучэнне
камбіната да ААТ “Бабушкина крынка”.

— Многіх
асіпаўчан апошнім часам якраз і насцярожвае адсутнасць “родных” пінгвінчыкаў на ўпакоўцы любімых малака–смятаны. Мы больш не ўбачым
эмблему “малочнага полюса”?

— Прычын
для хваляванняў няма абсалютна: нашай прадукцыі выпускаецца такая ж
лінейка і колькасць, як і раней,
і ўся яна — такой жа якасці, і яе не стала менш на паліцах асіповіцкіх магазінаў. Дарэчы, вырабы ўсіх малочных перапрацоўшчыкаў, якія ўваходзяць у холдынг, выпускаюцца зараз пад адзіным брэндам “Бабушкина крынка”. Ну а для тых, каму даспадобы менавіта асіповіцкая прадукцыя, могуць яе без праблем “вылічыць” па літары “С” побач з
датай выпуску.

— Якія планы мае прадпрыемства на бліжэйшую перспектыву?

— Зараз
актыўна вядзецца рэканструкцыя   ўчастка
па вытворчасці сухіх
малочных прадуктаў. Гэта
дазволіць павялічыць яго вытворчыя магчымасці, а таксама вырабляць новыя віды — напрыклад, сухую сыроватку, якая заўсёды запатрабавана.

— Што найбольш радуе кіраўніка малочнага камбіната?

— Наша моладзь — дасведчаная, працалюбівая,
мэтанакіраваная,
якой у нас значна прыбавілася за апошнія два гады. Праз некаторы час можна будзе смела перадаць
прадпрыемства надзейнай змене!

— Чым хацелася б падзяліцца напярэдадні прафесійнага свята?

— Вялікі дзякуй калегам–сельгасвытворцам, без чыёй працы наша дзейнасць проста немагчыма. Зычым ім высокіх надояў і ўсялякіх іншых поспехаў — гэта першае. Ну а другое — шчыры дзякуй усім працаўнікам камбіната. Без такіх людзей, як начальнік участка па догляду за сырамі Таццяна Анісімава, намеснік дырэктара па вы–творчасці і якасці Iрына Філіпава, галоўны механік Сяргей Сакалоўскі і многіх другіх, цяжка ўявіць наш цяперашні дружны, зла–джаны калектыў і яго эфектыўную работу. Жадаю ўсім стабільнасці — і на працы, і дома. Каб заўсёды быў пазітыўны настрой і светлыя думкі — з іншымі, кажуць, прадукты харчавання вырабляць нельга. Шчасця ўсім і дабрабыту!

Валянціна КОРБАЛЬ.