37-я ў рэспубліцы
Міністэрствам сельскай гаспадаркі і харчавання падведзены
рэспубліканскія вынікі работы ў жывёлагадоўлі за 2012 год. Асіповіччына займае
37 месца са 118, страціўшы дзве пазіцыі. I хоць значнага зніжэння раней
дасягнутых паказчыкаў не адбылося (напрыклад, удой на карову быў нават на 110
кілаграмаў вышэйшы, чым у 2011 годзе — 4.871), аднак рух наперад аказаўся
недастаткова дынамічным.
Валавая вытворчасць малака ў раёне склала 34.111 тон, што
адпавядае 102,3%. Атрымана 3.910 тон мяса. Сярэднясутачныя прывагі буйной
рагатай жывёлы на вырошчванні і адкорме былі на ўзроўні 596 грамаў — на 26
менш. Па-ранейшаму праблемны пункт — сярэднясутачныя прывагі свіней: у суткі
гадаванцы прыбаўлялі ўсяго па 286 грамаў (-133).
Мінусы якраз і гавораць, у якім кірунку трэба працаваць
жывёлаводам, каб дасягнуць больш высокіх паказчыкаў.
