Прагрэс
не стаіць на месцы — і назіраецца гэта літаральна ва ўсім. Што ж робяць
работнікі нашага райвузла электрасувязі, каб быць на крок уперадзе сваіх
канкурэнтаў? З гэтага і пачалася размова з кіраўніком РВЭС Сяргеем ДАМБРОЎСКIМ:

—
Магу сказаць адназначна: стараемся. Пра што сведчыць хаця б тое, што па выніках
леташняй работы наш калектыў у раённым спаборніцтве прызнаны пераможцам у сваёй
групе і занесены на Дошку гонару.

—
Але гэта — па выні-ках леташняй работы…

—
А ўзнагарода не дазваляе таптацца на месцы. У нас па-ранейшаму нядрэнныя
рэнтабельнасць, прадукцыйнасць працы, паказчыкі энергазберажэння і іншыя. I
сёлетнія напружаныя планы не палохаюць. Напрыклад, думаем замяніць аналагавае
абсталяванне на сучасныя лічбавыя сістэмы, медны кабель на валаконна-аптычныя
лініі сувязі, усё здаваемае новае жыллё ў 2013-2014 гадах будзе падключацца да
новых тэхналогій, у прыватнасці, XPON.

—
I што гэта азначае?

—
“Оптыку” пракладзём да самай кватэры навасёла — і чалавеку без усялякіх праблем
адразу прадастаўляюцца якасныя паслугі тэлебачання і тэлефаніі, высакаскорасны
інтэрнэт.

—
Выходзіць, райвузел сёння канкрэтна рушыць да свайго патэнцыяльнага абанента?

—
Iменна. Летась мы падключылі практычна ўсе новабудоўлі на вуліцы Чарняхоўскага
і новы дом па Сташкевіча, сёлета плануем зрабіць гэта яшчэ з шэрагам шматпавярховак
у мікрараёне АЗАА. Значыць, больш за 470 кватэр атрымаюць і сучасны інтэрнэт, і
тэлебачанне ZALA.

—
А ў сельскай мясцовасці?

—
I пра вяскоўцаў не забываемся. Сёлета запланаваны пераход на работу па новых
тэхналогіях у Каменічах, Красным, Дрычыне, Вялікім Бару — будзем туды
пракладваць валаконна-аптычныя лініі. Збіраемся таксама замяніць састарэлыя
каардынатныя аналагавыя станцыі, якія эксплуатуюцца з 70-80-х гадоў мінулага
стагоддзя, у Верайцах, Вяззі, Цэлі, Ліпені, Карытным і іншых — усяго 12 —
населеных пунктах на лічбавыя апошняга пакалення. Гэта, натуральна, дасць
магчымасць значна пашырыць спектр аказваемых паслуг. Пра-клалі “валакно” ў
Градзянцы і Пагарэлым, замянілі там жа састарэлае абсталяванне. Дарэчы,
пракладваючы кабель з палепшанымі характарыстыкамі, адначасова пазбаўляемся ад
тэлефонаў-блакіратараў. Такіх нумароў засталося з паўсотні, і гэты год для іх
стане апошнім.

—
Сёння абанент, падключаючыся да паслуг тэлефоннай сувязі, разлічвае на
многае…

—
I РУП “Белтэлекам” актыўна выкарыстоўвае сістэму IMS, якая ўяўляе сабой новы
этап паслуг электрасувязі — не толькі базавыя тэлефонныя сувязі, а і дадатковыя
сервісы. Iнакш кажучы, і тэлефанію, і інтэрнэт, і лічбавае тэлебачанне можна
падключыць з дапамогай усяго аднаго ўстройства. Прычым, падключэнне да паслуг
“Белтэлекама” бясплатнае, а тарыфы на ўсе асноўныя платформы IMS аналагічныя
тарыфам на паслугі існуючых АТС. Што, дарэчы, змаглі ўжо многія ацаніць.

—
Да слова: а колькі зараз землякоў карыстаецца інтэрактыўным тэлебачаннем
ZALA?

—
5 тысяч 562 чалавекі, высакаскорасным інтэрнэтам — 8.924. I іх рады паступова
растуць.

—
А як, Сяргей Станіслававіч, з тымі, хто жыве ў малых населеных пунктах? Як
ім тую ж “хуткую”, да прыкладу, выклікаць?

—
Там устанаўліваем бесправадныя тэлефоны — прынцып работы сотавых — па
тэхналогіі WLL, але плацяць людзі як і за карыстанне звычайным.

—
Час, як вядома, не стаіць на месцы, і, як ні круці, людзі “зношваюцца”,
патрабуюць замены…

—
Граматныя, працалюбівыя работнікі патрэбны ўсюды — і мы такім з задавальненнем
даём магчымасць вучыцца, расці прафесійна. У мінулым годзе ў нас 7 чалавек
атрымалі дыпломы, зараз двое вучацца ў вышэйшых і адзін у сярэдне-спецыяльнай
установе. Наогул жа такую адукацыю мае больш за палову калектыву. I людзей
выдатных працуе вялікае мноства. Iнжынер Андрэй Мядзведзеў, напрыклад,
узнагароджаны Ганаровай граматай райвыканкама, вядучы бухгалтар Iрына Клімковіч
і электрамеханік Людміла Сцяхновіч — кіраўніцтвам “Белтэлекам”. А хіба можна
сказаць што дрэннае ў адрас электрамеханікаў Галіны Зубавай, Алены Аўсянік,
Сяргея Самусева, начальніка лінейна-тэхнічнага ўчастка Аляксандра Лахаўца,
інжынераў Вольгі Коласавай і Уладзіміра Мазейка, электраманцёраў Iгара
Патапейка, Міхаіла Фірсава, Леаніда Сямашка, Уладзіміра Навасёлава, намесніка
начальніка райвузла Віты Жукавец, кабельшчыкаў Сяргея Марозава, Валерыя
Доўнара, Уладзіміра Галіеўскага? Толькі — дзякуй за адданую працу! Таму,
напэўна, і задачы, якія стаяць перад намі, вырашаюцца.

Дарэчы,
хачу “пахваліцца”: атрымалі праектна-каштарысную дакументацыю на рэканструкцыю
будынка РВЭС — з добраўпарадкаваннем прылягаючай тэрыторыі і перапланіроўкай трох
паверхаў. Сума ўкладанняў —            12
мільярдаў, так што бу-дзе зроблена сапраўды шмат чаго на агульную карысць. I
гэта таксама стымулюе працаваць яшчэ лепш.

Размаўляў
Георгій АЛЕЙНIКАЎ.