По курсу — Новый год

Чыгунка

З поглядам у будучыню

Дзяніс Стэльмах і Даніла Ермаловіч забяспечваюць грузавы рух на IХ міжнародным транспартным калідоры

Па рэйках праплыў састаў, які вёз прадукцыю ААТ “Беларуськалій” да месца прызначэння. Пасажыры і наведвальнікі вакзала нават і не звярнулі на яго ўвагі, бо прывыклі да шматлікіх пасажырскіх і грузавых цягнікоў, якія рухаюцца праз нашу станцыю. Да таго ж думкі ўсіх зараз — пра канец года, справаздачы, падрыхтоўку да свята. І толькі ўвага Стэльмаха і Ермаловіча, якія знаходзіліся ў гэты час у лакаматыве, была засяроджана на руху ўзгаданага саставу.

Стаж работы Дзяніса ў дэпо больш за 15 гадоў. Машыніст водзіць як цеплавозы, так і электравозы. Даніла прайшоў шлях ад слесара да памочніка машыніста, у складзе брыгады працуе ўжо каля 4 гадоў. Абодва актыўна ўдзельнічаюць у грамадскім жыцці. Дзяніс уваходзіць у зборную каманду па футболе. Добрыя сем’яніны, якія ганарацца сваімі жонкамі і дзецьмі.

У навагоднюю ноч, калі землякі сядуць за святочныя сталы, будуць адпачываць і весяліцца, многія чыгуначнікі працягнуць несці працоўную вахту, бо гэта галіна не мае выхадных дзён і перапынкаў.