Бухгалтар лакаматыўнага дэпо Асіповічы РУП “Магілёўскае аддзяленне Беларускай чыгункі” Наталля Галко ўвайшла ў дзясятку прызёраў фотаконкурсу сярод работнікаў Беларускай чыгункі, прысвечанага Году міра і стварэння

Бухгалтар лакаматыўнага дэпо Асіповічы РУП “Магілёўскае аддзяленне Беларускай чыгункі” Наталля Галко ўвайшла ў дзясятку прызёраў фотаконкурсу сярод работнікаў Беларускай чыгункі, прысвечанага Году міра і стварэння.

Наталля адправіла на творчае спаборніцтва здымак пад назвай “Як мы саджаем дрэвы”.

— Муж Андрэй працуе брыгадзірам Бабруйскай дыстанцыі пуці і часта ўдзельнічае ў падобных мерапрыемствах, — расказвае жанчына. — Ён і паведаміў пра правядзенне конкурсу. Падыходзячы здымак меўся, таму вырашыла ўпершыню паспрабаваць свае сілы. Вельмі радасна, што наша фота атрымала высокую ацэнку.

Як паведамляе прэс-служба Беларускай чыгункі, усяго на разгляд камісіі было накіравана 188 работ, з якіх кампетэнтнае журы выбрала 25. Яны былі размешчаны на афіцыйных старонках Беларускай чыгункі «БЧ.Official» у сацсетках. Па выніках інтэрнэт-галасавання вызначылася 20 самых папулярных фатаграфій. З іх ліку выбралі дзясятку прызёраў і тройку лідараў.