Добраўпарадкаванне

Пасёлак прыгажэе

У адпаведнасці з праграмай па добраўпарадкаванні ў рабочым пасёлку Ялізава праводзіцца шэраг мерапрыемстваў.

За ўсімі ўстановамі, арганізацыямі і прадпрыемствамі замацавана адпаведная тэрыторыя для ўборкі. З пачатку бягучага года і ў ходзе правядзення рэспубліканскага і раённага суботнікаў былі ліквідаваны 62 несанкцыянаваныя звалкі смецця аб’ёмам 93 кубаметры. “Акультурана” прыбярэжная тэрыторыя ў раёне ачысных збудаванняў, з якой вывезена 10,3 кубаметра смецця. Наведзены парадак на тэрыторыі помнікаў і воінскіх пахаванняў. Прыбрана тэрыторыя кантэйнернай пляцоўкі грама-дзянскіх могілак, заменена 5 секцый жалезабетоннай агароджы, якія прыйшлі ў нягоднасць. Высаджана 10 дрэў і 5 кустоў. Пабелена 75 дрэў.

Сельвыканкам выдаў 11 прадпісанняў па навядзенні парадку.

Праводзіцца работа па азеляненні дваровых тэрыторый (устаноўка клумб, кветнікаў).

У правядзенні мерапрыемстваў па навядзенні парадку прыняло ўдзел 47 чалавек.