Работнікі УКП ЖКГ завяршаюць работы па добраўпарадкаванні дваровай тэрыторыі дома № 51 на вуліцы Сумчанкі. У гарадскім парку камунальнікі працягваюць пракладваць пешаходную дарожку. На аўтобусных прыпынках на вуліцы Інтэрнацыянальнай ідзе замена бардзюраў.

Правядзенню некаторых работ спрыяе вільготнае надвор’е. Напрыклад, калі трактар вымятае навясной шчоткай пясок уздоўж бардзюраў або рабочыя ўбіраюць дваровыя тэрыторыі, адсутнасць пылу — станоўчы момант як для камунальнікаў, так і для гаражан.

Набліжаецца да завяршэння капітальны рамонт будынка Асіповіцкага бюро Бабруйскага філіяла РУП “Магілёўскае агенцтва па дзяржаўнай рэгістрацыі і зямельным кадастры”, распачаты яшчэ летась. Многія асіпаўчане звярнулі ўвагу, як змяніўся знешні выгляд пабудовы, асвяжыўся фасад.

* * *

Адзін з чытачоў звярнуўся ў рэдакцыйны чат-бот з пытаннем, ці прадугледжваецца далейшае добраўпарадкаванне парка на паўднёвым баку горада. Намеснік дырэктара УКП ЖКГ Сяргей Салавей даў наступны адказ:

— Летась у гэтым месцы быў праведзены цэлы комплекс работ па азеляненні, краніраванні дрэў, абсталяванні дзіцячых гульнявых комплексаў, добраўпарадкаванні помніка і г.д.