Раней і зараз

Мікрараён “Бам”

Мікрараён № 1, які ўсе ведаюць пад ёмкай назвай “Бам”, адразу задумваўся як так званы “спальны раён” — ціхі і кампактны, з развітай сацыяльнай інфраструктурай. Абжывацца ён пачаў яшчэ ў 70-я гады, але працэс запаўнення “белых плям” на генеральным плане забудовы быў доўгі і ішоў, так бы мовіць, у пераменным тэмпе: то густа, то пуста, што і знайшло адлюстраванне ў хаатычнай нумарацыі дамоў.

У 2000-х гадах будаўніцтва тут ажывілася і стала весціся больш сістэмна. Сярод іншага ўзнікла новая вуліца — “Паркавая”, а даведзеная да сучасных стандартаў зручнасці і бяспекі руху вуліца Сташкевіча ў значнай ступені разгрузіла галоўную магістраль мікрараёна — вуліцу Сумчанкі. Імкліва развіваліся гандаль і сістэма грамадскага харчавання, а шматпавярхоўкі ўвогуле раслі нібы грыбы.

Здымкі вуліцы Сташкевіча — таму прыклад. Першы зроблены вясной 2008 года, другі — учора. Толькі за ўзгаданы прамежак часу на “Баме” пабудавана 2 пяціпавярхоўкі і 6 дзевяціпавярховак.

Зараз адведзеная пад будаўніцтва тэрыторыя мікрараёна № 1 практычна запоўнена. Засталося месца для дзіцячага сада і трох дамоў: 108-кватэрнага, двух 90-кватэрных. Такі запас надае планам развіцця горада належную гнуткасць: сёння патрэбы ў пашырэнні “бамаўскага” жылфонду няма. Але калі яна ўзнікне, прасторы для росту насельніцтва будзе дастаткова