«Захад-2017»: дзеля мірнага неба
Падчас правядзення сумесных вучэнняў з удзелам замежных вайскоўцаў у Асіповіцкім гарнізоне адбываецца цырымонія ўскладання вянкоў і кветак да помніка воінам-вызваліцелям на мемарыяльным комплексе “Алея Герояў”.
Традыцыя не была парушана і сёлета. 30 жніўня камандзіры і афіцэры мясцовых воінскіх часцей разам з расійскімі братамі па зброі, што задзейнічаны ў стратэгічным вучэнні “Захад-2017”, ушанавалі памяць аб страшным і велічным часе, калі нашы народы не шкадавалі сіл у агульнай барацьбе за жыццё і свабоду. Начальнік ракетных войск і артылерыі Узброеных Сіл — начальнік упраўлення ракетных войск і артылерыі Генеральнага штаба Узброеных Сіл Рэспублікі Беларусь Генадзь Казлоўскі і старшыня райвыканкама Павел Налівайка прынялі ўдзел ва ўрачыстым мерапрыемстве.
Фота Дзмітрыя САЎРЫЦКАГА.
