Увага: у Асіповіцкім раёне — вучэнні!

Паўночная частка Асіповіччыны гэтай вясной стане “палігонам”, дзе структуры Міністэрстваў абароны і ўнутраных спраў будуць займацца баявой падрыхтоўкай з прымяненнем штатнай зброі і тэхнікі — у раёне вёсак Ручэй, Вярбілава, Паляддзе, Ялцоўка, Брадок, Дуброўка, Жукаўка, Крычавец, Азярышча сумесныя службова-баявыя задачы злучэнні выканаюць ужо 5-6 красавіка.

У перыяд да 5 мая каля населеных пунктаў Уборак, Вяззе, Ліпень, Градзянка тактыка-спецыяльныя вучэнні правядуць падраздзяленні 5 асобнай брыгады спецыяльнага прызначэння.