Прысяга ў Асіповіцкім гарнізоне
У часцях асіповіцкага гарнізона прайшоў самы ўрачысты воінскі рытуал: прыняцце прысягі.
Традыцыйна сваю галоўную клятву ваеннаслужачыя прыносілі ў прысутнасці родных, бацькоў, сяброў, святароў праваслаўных храмаў, ветэранаў Узброеных Сіл і ганаровых салдат часцей, прадстаўнікоў вышэйстаячага камандавання, кіраўніцтва органаў выканаўчай і прадстаўнічай улады раёна.
Хлопцаў, якім краіна даверыла зброю, чакае інтэнсіўная вучоба па вайсковых спецыяльнасцях. Не выключана, што па яе выніках ім давядзецца здаваць вельмі сур’ёзны экзамен. Такі прагноз выцякае з нядаўняга заяўлення Прэзідэнта краіны, зробленага падчас наведвання адной з авіябаз: “Узброеныя Сілы Беларусі ў бліжэйшы час будуць правераны на баяздольнасць”.
Пажадаем жа маладым абаронцам Радзімы, іх больш вопытным саслужыўцам і камандзірам трымаць “порах сухім” і дастойна спраўляцца з усімі пастаўленымі вучэбна-баявымі задачамі.
