Асіповіцкая «раёнка» — арміі і чытачам

19 лютага былі падведзены вынікі штогадовага рэспубліканскага конкурсу друкаваных і электронных СМІ на лепшае асвятленне пытанняў будаўніцтва і развіцця Узброеных Сіл, патрыятычнага выхавання насельніцтва Рэспублікі Беларусь.

У намінацыі “Цеснае і плённае супрацоўніцтва” газета “Асіповіцкі край” атрымала Дыплом І ступені, падзяліўшы вышэйшую прыступку п’едэстала гонару з калегамі са “Звязды”.

Ва ўзгаданым творчым спаборніцтве няма падзелу паміж выданнямі раённага, абласнога і рэспубліканскага ўзроўняў, таму такі парытэт — аб’ектыўнае пацвярджэнне прыемнага факта: прафесіяналізм мясцовых журналістаў дазваляе забяспечваць чытачоў якаснай і разнастайнай інфармацыяй.