Нарадзіўся ў 1984 годзе ў г. Крычаў Магілёўскай вобласці.
Пасля школы вучыўся ў Беларускай дзяржаўнай сельскагаспадарчай акадэміі па спецыяльнасці «заатэхнія”.
У 2005-2006 гадах працаваў галоўным заатэхнікам СВК «Асавец-ніва” Крычаўскага раёна. З 2006 па 2012 год рабіў на такой жа пасадзе ўжо на Асіповіччыне — у калгасе «Чырвоны ўдарнік”, пасля — намеснікам старшыні гэтага сельгаскааператыва.

З жонкай Марынай Мікалаеўнай, якая зараз знаходзіцца ў дэкрэтным адпачынку, выхоўваюць дачушку Яўгенію.

Асаблівыя спадзяванні малады кіраўнік ускладае на рэканструкцыю фермы ў вёсцы Жорнаўка. Перадавыя тэхналогіі і сучаснае абсталяванне павінны даць магчымасць гаспадарцы вывесці жывёлагадоўлю на новы ўзровень.
«Упэўнена стаяць на зямлі самому і дапамагаць у гэтым другім” — такое жыццёвае крэда старшыні Ткачова. Ён перакананы: штодзённая карпатлівая праца дапаможа рухацца ў абраным кірунку і ажыццяўляць планы.