Моцны вецер, парывы якога дасягалі 64  км/г, нанёс значную шкоду вёсцы Ясень 1  жніўня . Было пашкоджана дахавае пакрыццё на 1 жылым доме і 13 пабудовах сельскагаспадарчага  прызначэння. Асабліва вялікія страты атрымала нерухомасць  ААТ  “Ясень Агра”: у той ці іншай ступені атрымалі пашкоджанні будынкі дыспетчарскай, малочна-таварнай фермы, некалькіх сушылак і сховішчаў для зерня, сельгастэхнікі і мінеральных угнаенняў. Два работнікі гаспадаркі атрымалі траўмы — лёгкую і цяжкую. У галаву аднаго патрапіў кавалак сарванага ветрам шыферу,  другому  ўпаўшая ад  націску  стыхіі палова варотаў зернесховішча зламала нагу.

Фота Дзітрыя САЎРЫЦКАГА.