Заўтра — дзень падпісчыка, чаму варта тым, хто яшчэ не выпісаў раённую газету, зрабіць гэта 16 снежня?

Адкрываем сакрэт: аформлены на любым аддзяленні сувязі ў гэты дзень абанемент на “Асіповіцкі край” дае шэраг дадатковых шансаў.

Па-першае, уладароў знойдуць традыцыйныя 40 купонаў-бонусаў, якія дазваляюць бясплатна павіншаваць родных ці блізкіх на старонках раёнкі альбо даць аб’яву.

Па-другое, пры жаданні гэтыя купоны можна абмяняць на відэавіншаванне, якое будзе размешчана на старонках “АК” у сацыяльных сетках. І яшчэ землякі, якія аформяць у гэтае чысло падпіску на “АК” на тры месяцы і больш, аўтаматычна становяцца ўдзельнікамі маштабнага навагодняга розыгрышу прызоў. Вось адразу колькі цікавых магчымасцей дае сяброўства з раённым выданнем!

Няма прычын засмучацца і тым, хто ўжо выпісаў газету альбо збіраецца гэта зрабіць на наступным тыдні: кожнага падпісчыка чакае яркі каляндар на 2024 год у першым нумары газеты. Ну і, безумоўна, варта памятаць: падпіска на раёнку — выдатны падарунак на Новы год ці Каляды.