Хто запоўніць вакансіі на Асіповіччыне?

У нас па-ранейшаму не хапае рабочых рук. Асаблівую «прафесійную” патрэбу адчувае ААТ «Асіповіцкі завод аўтамабільных агрэгатаў” і СЗАТ «Асіповіцкі вагонабудаўнічы завод”. Своеасаблівы топ-ліст адкрытых вакансій на красавік выглядае такім чынам: электрагазазваршчык (86), слесар па зборцы металаканструкцый (59), маляр 3 разраду (25), вадзіцель аўтамабіля (22), стропальшчык (20), фармаўшчык вырабаў (9), рэзчык металу на нажніцах і прэсах (8), падсобны рабочы (8), прадавец (7).

Сярод спецыялістаў з вышэйшай адукацыяй адчуваецца недахоп інжынераў розных спецыялізацый (15), майстроў участкаў (6), начальнікаў участкаў (7), медыцынскіх работнікаў (3), начальнікаў лабараторыі (2), эканамістаў (2), юрыстаў (1).

Як адзначылі ў аддзеле занятасці насельніцтва ўпраўлення па працы, занятасці і сацыяльнай абароне райвыканкама, усяго ў раёне зараз адкрыта каля 600 вакансій, і іх спіс пастаянна папаўняецца прадпрыемствамі і арганізацыямі.