Як паведаміў сакратар Цэнтрвыбаркама краіны Мікалай Лазавік, у першы дзень датэрміновага галасавання на выбарах дэпутатаў мясцовых Саветаў XXVII склікання прагаласавалі 3,82% грамадзян, унесеных у спісы выбаршчыкаў. У Брэсцкай вобласці 18 сакавіка прагаласавалі 3,37%, у Віцебскай — 4,29, у Гомельскай — 3,89, у Гродзенскай — 2,91, у Мінскай — 3,4, у Магілёўскай — 4,39, у сталіцы — 4,35%.

Актыўную жыццёвую пазіцыю праяўляюць і асіпаўчане: 18-19 чысла будучаму дэпутацкаму корпусу свае галасы аддалі ўжо 14,2% выбаршчыкаў.

Узгадаем, што датэрміновае галасаванне працягнецца па 22 сакавіка ўключна. Выбарчыя ўчасткі адчынены з 10 да 14 і з 16 да 19 гадзін. Галоўны дзень выбараў — 23 чысла.

НА ЗДЫМКУ: датэрмінова галасуе намеснік старшыні Пастаяннай камісіі па эканамічнай палітыцы Палаты прадстаўнікоў Нацыянальнага сходу Рэспублікі Беларусь Мікалай Калтуноў.