На нядаўнім агульна-рэспубліканскім свяце “Александрыя збірае сяброў” сярод узнагароджаных лепшых працаўнікоў аграпрамысловага комплексу былі і асіпаўчане.
Так, у сваёй намінацыі Дыплом I ступені атрымала начальнік раённай ветэрынарнай станцыі Ганна Аляхно, Дыпломам II ступені быў узнагароджаны вадзіцель на перавозцы травяных кармоў ад корманарыхтоўчага камбайна з АСВК “Калгас “Авангард” Аляксандр Данілаў. Таксама з дыпломамі вярнуліся аператар машыннага даення філіяла “Белшына-агра” ААТ “Белшына” Таццяна Вярбіцкая і механізатар АСВК “Калгас імя Чарняхоўскага” Барыс Бандарэнка, які выпрацаваў найбольш эталона-гектараў на ўмоўны трактар.