На фоне чыстага неба

Учора на храме ў гонар іконы Божай Маці “Жыровіцкая” ў Ліпені на радасць вернікам і ўсім жыхарам вёскі заззяў купал, які надаў культаваму будынку закончаны выгляд

Гісторыя сцвярджае, што ўжо ў XVIII стагоддзі ў вёсцы Халуі — цяперашнім Ліпені — дзейнічала царква Ражства Багародзі-цы, якая была пабудавана ў 1770-1780 гг. на сродкі паме-шчыка Завішы і прыхаджан і мела выгляд прадаўгаватага прамавугольніка з трыма глухімі купаламі. У будынку званіцы, які знаходзіўся асобна ад храма, меліся 4 званы.

К канцу 70-х гадоў XIX стагоддзя царква патрабавала капітальнага рамонту. Таму ў 1885 годзе на дзяржаўныя грошы з дапамогай прыхаджан  пабудавалі новы драўляны храм на каменным падмурку. Асвяцілі яго ў гонар свята Успення Багаро-дзіцы. Уладкавалі і новую званіцу, а таксама дом для бацюшкі. За храмам чыслілася 4 царкоўна-прыходскія школы. У 1913 годзе прыход складалі 3 168 чалавек. Прыходская царква праіснавала да 1934 года. Будынак захаваўся і ў 1950 годзе быў пераабсталяваны пад сельскі клуб.

А ў 2012 годзе непадалёк ад таго месца пачалі будаваць новую царкву. І вось асноўныя работы скончаны.

Настаяцель храма айцец Уладзімір Яроміч расказвае, што наперадзе яшчэ работы па тынкоўцы, абсталяванні іканастаса, але мяркуе, што з Божай дапамогай і ўдзелам прыхаджан прыблізна праз год будаўніцтва будзе скончана. Ён удзячны ўсім жыхарам і выхадцам з вёскі Ліпень, а таксама навакольных населеных пунктаў і спадзяецца на далейшы іх унёсак у агульную справу.

Фото Нины Царик