В Осиповичах отпраздновали День Независимости Республики Беларусь и День города

Святочныя мерапрыемствы адкрыў мітынг на мемарыяльным комплексе “Алея Герояў” — знак вялікай удзячнасці і павагі да тых, хто падчас Вялікай Айчыннай вайны адстаяў права беларусаў на свабоду, а пазней адраджаў Айчыну, закладаў падмурак, на якім будуецца суверэнная Беларусь, развіваюцца рэгіёны, у ліку якіх наш раён займае пачэснае месца. Прамовы, ускладанне вянкоў і кветак да стэлы і абеліскаў на Алеі Героя, хвіліна маўчання, ружэйныя залпы…

Ушанаванне тых, хто ўнёс асабліва важкі ўклад у сацыяльна-эканамічнае развіццё Асіповіччыны — абавязковы элемент святкавання Дня Незалежнасці Рэспублікі Беларусь і Дня горада. Лепшым з лепшых старшыня райвыканкама Канстанцін Жыгуцкі ўручыў больш за тры дзясяткі Ганаровых грамат і дванаццаць Падзячных лістоў.

У гарадскім парке гучыць музыка: пачаўся святочны тэматычны канцэрт “Мая радзіма — Беларусь!”. Тут разгарнулася і народнае гулянне: працуюць выстаўкі-кірмашы, сельскія падворкі, палявая кухня, спартыўныя, гульнявыя, тэматычныя пляцоўкі, “Пункт здароўя” і іншае. Падчас культурна-забаўляльнай праграмы “Табе, любімы горад!” выступаюць юныя выканаўцы і ўдзельнікі калектываў мастацкай самадзейнасці цэнтра творчасці дзяцей і моладзі.