У райвыканкаме

З амаль паўсотні разнастайных пытанняў, якія былі вынесены на парадак дня чарговага пасяджэння райвыканкама, якое прайшло ў сераду пад началам першага намесніка старшыні райвыканкама Васіля Пятроўскага з удзелам начальніка аддзела інвестыцыйнай і інавацыйнай дзейнасці камітэта эканомікі Магілёўскага аблвыканкама Дзмітрыя Немянкова, асаблівая ўвага была надзелена першым двум.

Iнфармацыя начальніка аддзела эканомікі райвыканкама Алены Грунтовай “Аб ходзе выканання праграмы сацыяльна-эканамічнага развіцця горада Асіповічы, рабочых пасёлкаў Ялізава і Татарка на 2006-2010 гады” была не толькі падрабязнай, а і з аналітычным аналізам учора-сёння-заўтрашняга дня.

Было адзначана, што за 2006-2008 гады прагнозныя паказчыкі Праграм, вызначаныя на пяцігодку, у асноўным, выкананы. За сёлетнія студзень-верасень у Асіповічах выканана заданне па стварэнні новых рабочых месцаў, колькасці занятых у эканоміцы, ліку малых прадпрыемстваў. У Ялізаве выканана заданне па стварэнні новых працоўных месцаў, у Татарцы забяспечаны вызначаныя на год заданні па тэмпах росту аб’ёмаў вытворчасці спажывецкіх тавараў, намінальнай налічанай сярэднямесячнай зарплаце, узроўню беспрацоўя, колькасці занятых у эканоміцы, ліку малых прадпрыемстваў.

Разам з тым, па гораду не выканана заданне па тэмпах росту аб’-ёмаў вытворчасці прадукцыі прамысловасці (73,4% пры прагнозе 112%), спажывецкіх тавараў (104,8% — 110%), намінальнай налічанай сярэднямесячнай зар-плаце (867,6 тыс. руб. пры прагнозе 1.017,6 тысячы), узроўню беспрацоўя (1% — 0,9%).

У Ялізаве не выканана заданне па тэмпах росту аб’-ёмаў вытворчасці прадукцыі прамысловасці, намінальнай налічанай сярэднямесячнай зарплаце, узроўню беспрацоўя, колькасці занятых у эканоміцы, ліку малых прадпрыемстваў; у Татарцы — па тэмпах росту аб’ёмаў вы-творчасці прадукцыі прамысловасці, стварэнню новых працоўных месцаў.
У параўнанні з аналагічным перыядам мінулага года лік стратных арганізацый па Асіповічах вырас на 1 адзінку і склаў за студзень-жнівень 4 арганізацыі, удзельная вага стратных арганізацый у агульнай колькасці вырас з 1,8 да 2,4%.
Натуральна, члены выканкама вельмі заклапочаны, як будзе выглядаць выкананне Праграм па выніках года, а таму і запыты іх ішлі не толькі да Алены Пятроўны — са справаздачамі ўздымаліся кіраўнікі малочнага камбіната, хлебазавода, СП ААТ “Дах”, торфапрадпрыемства “Татарка” і шэрага іншых калектываў. I канкрэтнае рашэнне па ўзгаданаму пытанню накіравана на тое, каб зрабіць усё магчымае дзеля прыбаўлення руху наперад літаральна па ўсіх пазіцыях.

Не меншая ўвага была нададзена і інфармацыі начальніка фінансавага аддзела райвыканкама Ларысы Белай “Аб эфектыўнасці выкарыстання бюджэтных сродкаў”.

Напрыклад, за студзень-кастрычнік бюджэт раёна па даходах выкананы ў суме 69.649,1 млн. рублёў — 78,2%, уласныя склалі 36.562,9 мільёна — 87,6% да гадавых прызначэнняў.

Запазычанасці па падатковых плацяжах у бюджэт і мэтавыя бюджэтныя фонды па стане на 1.11.2009 г. у раёне не маецца.

Выдаткі кансалідаванага бюджэту за 10 месяцаў 2009 г. склалі 76.406,4 млн. рублёў або 79,6% да гадавога ўдакладнёнага плана.

Упраўленнямі, аддзеламі райвыканкама, установамі і арганізацыямі, фінансуемымі з райбюджэту, пассельвыканкамамі пастаянна праводзіцца работа па забеспячэнні эканомнага і най-болей эфектыўнага выкарыс-тання бюджэтных сродкаў, максімальнаму скарачэнню непершачарговых выдаткаў і выключэнню нерацыянальных выдаткаў у рамках рэалізацыі Мерапрыемстваў па забеспячэнні выканання бюджэту Асіповіцкага раёна, мабілізацыі рэзерваў і эканоміі бюджэтных сродкаў на 2009 год.

Рашэннем райсавета дэпутатаў ад 14.05.2009 г. № 18-3 бюджэт раёна на 2009 год скарочаны на 16.454,0 млн. рублёў, у тым ліку па выдатках на рэалізацыю дзеючых дзяржаўных, галіновых і рэгіянальных праграм — на 6.221,8. Расходы капітальнага характару і набыццё абсталявання скарочаны на 1.599,0 млн. руб. Асігнаванні на правядзенне бягучых рамонтаў, аплату транспартных паслуг і іншых выдаткаў паменшаны адпаведна на 117,9, 144,9 і 1.107,3 млн. рублёў.
Разам з тым, мае месца невыкананне або частковае выкананне ўзгаданых вышэй мерапрыемстваў, расходванне бюджэтных сродкаў з парушэннем бюджэтнага заканадаўства (установа аховы здароўя “Асіповіцкая цэнтральная раённая бальніца”, “Асіповіцкі раённы цэнтр сацыяльнага абслугоўвання насельніцтва” і інш.).

Па стане на 1.11.2009 г. у параўнанні з пачаткам года на 27,2% павялічылася пратэрмінаваная запазычанасць насельніцтва за атрыманыя жыллёва-камунальныя па-слугі — пры даведзеным заданні па яе скарачэнню не менш чым на 10% штоквартальна.

У сваёй інфармацыі Ларыса Анатольеўна спынілася на многіх пазіцыях, і па шэрагу момантаў кіраўніцтва раёна вымушана было зноў уздымаць з тлумачэннямі асобных кіраўнікоў, работа якіх не можа задаволіць — райбальніцы, райДЮСШ, Адзінага разліковага цэнтра, райпалівазбыту і г.д. I гэта, натуральна, таксама знайшло адлюстраванне ў прынятым рашэнні.